Экскурсія па выставе пяці мастакоў ва Уздзенскім сельска-гаспадарчым ліцэі (15.02.2013)

Экскурсія па выставе пяці мастакоў ва Уздзенскім сельска-гаспадарчым ліцэі



Мерапрыемства адбылося 15 лютага 2013 г. для навучэнцаў і  педагогаў Уздзенскага сельска-гаспадарчага  ліцэя.

Экскурсавод  - Яўген Феліксавіч Шунейка, прафесар кафедры гісторыі і  тэорыі мастацтваў Беларускай дзяржаўнай акадэміі мастацтваў, кандыдат мастацтвазнаўства.
Экскурсія праведзена на рускай і беларускай мовах.

У фільме прымалі ўдзел мастакі:
Мікалай  Мішчанка, член Саюза мастакоў і Саюза дызайнераў
Віктар Барабанцаў, лаўрэат прэміі "За духовное возрождение”
Алесь Філіповіч, жывапісец з Уздзеншчыны


Т.П.Лухверчык, дырэктар ДУ "Уздзенскі гісторыка-краязнаўчы музей”


Уздзеншчына – багаты на гістарычныя падзеі край. Але самае галоўнае, канешне ж, гэта людзі і рака, якая бярэ пачатак тут – наш славуты бацька Нёман. Менавіта Уздзеншчына дае жыццё гэтай рацэ.

І таму наш Уздзенскі гісторыка-краязнаўчы музей распрацаваў праект “Выток Нёмана – выток духоўнасці”.

Мэта гэтага праекта – паказаць значымасць геаграфічнага аб’екта як сімвала духоўнай асветы.

Што мы хочам паказаць гэтым праектам?

Мы хочам аб’яднаць заслужаных дзеячоў культуры, навукі, якія нарадзіліся тут і праславілі гэты край. А талентаў вельмі шмат.

21 пісьменнік Саюза пісьменнікаў, 11 акадэмікаў Акадэміі навук, 28 прафесароў і дактароў навук, 14 мастакоў Саюза мастацтва.

І вось гэтае цеснае супрацоўніцтва з мастакамі, не толькі вуздзенцамі, але і Саюза мастакоў Беларусі, дае магчымасць паказаць наш край з розных бакоў.

Выстава, налажаная тут, у Уздзенскім сельска-гаспадарчым ліцэі, сведчыць аб, што мастакі жадаюць паказаць свае працы не толькі ў гісторыка-краязнаўчым музеі, але і больш шырока: установах культуры, навучальных установах.

Вельмі прымна, што сёння на гэтай выставе прысутнічаюць менавіта тыя мастакі, якія прынялі ўдзел у гэтай выставе.

Аднаўленне і адраджэнне гістарычнай спадчыны немагчыма без выхаванння духоўнасці, без павагі гісторыі свайго роднага краю.

Асноўная роля ў гэтым працэсе належыць, вядома ж, краязнаўству, і наша установа, Уздзенскі гісторыка-краязнаўчы музей, працуе ў гэтым напрамку.

Гэта навукова-даследчая работа, камплектаванне фондаў, развіццё краязнаўства, узбагачэнне духоўнасці насельніцтва праз захаванне і папулярызацыю нацыянальных традыцый, народных святаў і абрадаў, твораў землякоў, пісьменнікаў і мастакоў.

Таксама мы працуем над стварэннем камфортных умоў для выбару жыхарамі раёна спосабаў правядзення вольнага часу.

І, каб зацікавіць людзей, мы робім гэтыя выставы.

Get Adobe Flash player
Администрация сайта "Выток Нёмана. УЗДЗЕНШЧЫНА" и Узденского историко-краеведческого музея выражают
огромную признательность и благодарность
видеооператору Роману Семенову
за безкорыстную помощь в проведении профессиональной съемки и монтажа  фильма о данной экскурсии.

84